హోప్ ఫౌండేషన్ ఆధ్వర్యంలో శ్రీశైలం పుణ్య క్షేత్రంలో వసతి గది నిర్మాణం

హైదరాబాద్, నిఘా24 : హోప్ ఫౌండేషన్ స్వచ్ఛంద సంస్థ ఆధ్వర్యంలో శ్రీశైల మహా పుణ్య క్షేత్రంలో నూతన వసతి గదిని నిర్మించారు. శేరిలింగంపల్లికి చెందిన హోప్ ఫౌండేషన్ ఆద్వర్యంలో శ్రీశైలం పుణ్యక్షేత్రం కొండపై గల గణేశ్ సదన్ లో నూతన వసతి గదిని నిర్మించి అందుబాటులోకి తీసుకువచ్చారు. నిర్మాణం పూర్తి చేసుకున్న నూతన వసతి గదికి శుక్రవారం హోప్ ఫౌండేషన్ చైర్మెన్ కొండ విజయ్ కుమార్ దంపతులు పూజలు నిర్వహించారు.

ఈ సందర్భంగా కొండా విజయ్ కుమార్ మాట్లాడుతూ శ్రీశైల పుణ్యక్షేత్రంలో వసతి గది నిర్మాణం చేపట్టడం తన అదృష్టమని అన్నారు. శ్రీశైల మల్లిఖార్జున స్వామి ఆశీస్సులతో వసతి గది నిర్మాణం చేపట్టే అవకాశం హోప్ ఫౌండేషన్ కు దక్కిందన్నారు. శేరిలింగంపల్లి పరిసర ప్రాంతాలకు చెందిన భక్తులు శ్రీశైల మహక్షేత్రంలో వసతి కోసం తమ ఫౌండేషన్ ను సంప్రదించవచ్చని కొండా విజయ్ తెలిపారు.