ఎమ్మెల్యే గాంధీకి జన్మదిన శుభాకాంక్షలు తెలిపిన మాజీ కార్పొరేటర్ సాయిబాబా

శేరిలింగంపల్లి, నిఘా 24: శేరిలింగంపల్లి నియోజకవర్గం ఎమ్మెల్యే, ప్రభుత్వ విప్ అరెకపూడి గాంధీ జన్మదినాన్ని పురస్కరించుకొని గచ్చిబౌలి డివిజన్ మాజీ కార్పొరేటర్ కొమిరిశెట్టి సాయి బాబా శుభాకాంక్షలు తెలియజేశారు. ఆదివారం గచ్చిబౌలి డివిజన్ బిఆర్ఎస్ పార్టీ నాయకులు, కార్యకర్తలతో కలిసి ఎమ్మెల్యే గాంధీని ఆయన నివాసంలో కలిసిన సాయిబాబా పుష్పగుచ్చం అందజేసి జన్మదిన శుభాకాంక్షలు తెలిపారు. అనంతరం ఎమ్మెల్యే గాంధీ చేత కేక్ కట్ చేయించారు. ఈ సందర్భంగా మాజీ కార్పొరేటర్ సాయిబాబా మాట్లాడుతూ శేరిలింగంపల్లిని అన్ని రంగాల్లో అభివృద్ధి పథంలో తీసుకు వెళుతున్న ఎమ్మెల్యే గాంధీ నియోజకవర్గ ప్రజల ఆశీస్సులతో ఆయురారోగ్యాలతో ఉండాలని ఆకాంక్షించారు. ఎమ్మెల్యే గాంధీకి శుభాకాంక్షలు తెలియజేసిన వారిలో గచ్చిబౌలి డివిజన్ సీనియర్ నాయకులు, కార్యకర్తలు ఉన్నారు.