*తెలంగాణలో 1367కి చేరిన కరోనా కేసులు*

హైదరాబాద్ : తెలంగాణ రాష్ట్రంలో కరోనా కేసుల సంఖ్య 1367కి చేరుకుంది. బుధవారం రాష్ట్రంలో మరో 41 పాజిటీవ్ కేసులు నమోదయ్యాయి. ప్రస్తుతం రాష్ట్రంలో 394 ఆక్టివ్ కేసులు ఉన్నాయి. కాగా ప్రస్తుతం నమోదవుతున్న కేసుల్లో అత్యధికంగా రాష్ట్ర రాజధాని హైదరాబాద్ లోనే నమోదు అవుతుండడం కలవరపెడుతోంది. బుధవారం నమోదైన కేసుల్లో గ్రేటర్ హైదరాబాద్ పరిధిలో 31 కేసులు నమోదు కాగా మిగిలినవి వలస కూలీల కేసులు. బుధవారం మరో 117మంది ఆసుపత్రి నుంచి డిశ్చార్జ్ అయ్యారు. రాష్ట్రంలో ఇప్పటి వరకు 939 మంది ఆసుపత్రి నుంచి డిశ్చార్జ్ అయ్యారు. కాగా బుధవారం మరో ఇద్దరు మృతి చెందడంతో ఈ మహమ్మారి కారణంగా మృతి చెందిన వారి సంఖ్య 34కు చేరింది.