హైదరాబాద్ : తెలంగాణ రాష్ట్రంలో కరోనా కేసుల సంఖ్య 1061 కి చేరుకుంది. శనివారం మరో 17 పాసిటివ్ కేసులు నమోదయ్యాయి. ప్రస్తుతం రాష్ట్రంలో 533 ఆక్టివ్ కేసులు ఉన్నాయి. శనివారం మరోకరు ఈ మహమ్మారి కారణంగా మృతిచెందారు. గత వారం రోజులుగా తెలంగాణ రాష్ట్రంలో తక్కువ కేసులు నమోదు అవుతుండడంతో పాటు జీరో ఆక్టివ్ కేసుల జిల్లాలు సైతం పెరుగుతున్నాయి. కాగా ప్రస్తుతం నమోదవుతున్న కేసుల్లో అత్యధికంగా రాష్ట్ర రాజధాని హైదరాబాద్ లోనే నమోదు అవుతుండడం కలవరపెడుతోంది. శనివారం నమోదైన కేసుల్లో 15 గ్రేటర్ లొనే ఉన్నాయి. శనివారం 35 మంది ఆసుపత్రి నుంచి డిశ్చార్జ్ అయ్యారు.
