హైదరాబాద్ : ఎయిర్ పోర్ట్ కు వెళ్లే మెయిన్ రూట్ అయిన PVNR ఎక్స్ ప్రెస్ హైవేను కొన్ని రోజులు నిలిపివేయనున్నారు. మెహిదీపట్నం నుంచి ఆరాంఘర్ వరకూ ఉన్న PVNR ఎక్స్ప్రెస్ హైవేపై ఏప్రిల్ – 22 నుంచి ట్రాఫిక్ ఆంక్షలు ఉండనున్నాయి. రోడ్ల మరమ్మతుల కోసం హైవేను నిలిపివేస్తున్నామని.. పని త్వరగా పూర్తికాగానే హైవేపై అనుమతి ఉంటుందని అధికారులు తెలిపారు. పీవీ నర్సింహారావు ఎక్స్‌ప్రెస్‌వేపై అనేక వాహనాలు ప్రయాణించడంతో కొన్నిచోట్ల రోడ్డు పాడైందని.. దీంతో బ్లాక్ టాప్ వేసేందుకు ఎక్స్ప్రెస్ వే‌ను తాత్కాలికంగా మూసివేస్తున్నామని తెలిపారు. కొద్దిరోజుల్లోనే హైవేపై అనేమతి ఉంటుందని .. ఆ వివరాలు త్వరలోనే వెల్లడిస్తామన్నారు.
వాహనదారులకు సూచన…
ఆరాంఘర్ నుంచి శంషాబాద్‌, ఆర్జీఐ వరకూ రాకపోకలు యథావిధిగా కొనసాగుతాయని అధికారులు సూచించారు. ఎయిర్ పోర్టుకు వెళ్లాలనుకునేవారు మెహిదీపట్నం నుంచి PVNR ఎక్స్ ప్రెస్ వే కింద నుంచి వెళ్లాలని.. అటు నుంచి వచ్చే వారు ఆరాంఘర్, శంకర్‌ పల్లి, PDP ఎక్స్ రోడ్‌, ఉప్పర్‌ పల్లి, హైదర్‌గూడ, అత్తాపూర్‌, రేతిబౌలిల మీదుగా రావాలని సూచించారు.
